Lagu Jaman Keur Budak

Sok inget ka jaman keur budak, nini kuring song ngalagu keur kuring model kieu:
AYANG-AYANGGUNG

Ayang-ayang gung Gung goongna rame Menak ki Wastanu Nu jadi wadana Naha maneh kitu Tukang olo-olo Loba anu giruk Ruket jeung kompeni Niat jadi pangkat Katon kagorengan Ngantos Kangjeng Dalem Lempa lempi lempong Ngadu pipi jeung nu ompong Jalan ka Batawi ngemplong

BULANTOK

Bulantok-bulantok Bulan gede bulan montok Moncorong sagede batok Bulantok-bulantok Aya bulan sagede batok Bulanting-bulanting Aya bulan sagede piring

CINGCANGKELING

Cingcangkeling Manuk cingkleng cindeten Plos ka kolong Bapa satar beleneng

EUNDEUK-EUNDEUKAN

Eundeuk-eundeukan Taraju bawang Kalima cipe, jae ulae Sangkayo Cabok cinde mende Dodomoyo Endeuk-eundeukan Jamparing pegat talina Aleut-aleutan Nu kawin euweuh walina Euleung euy euleun barudak urang ka jami embung euy embung sieun badak nu kamari Euweuh euy euweuh Geus dibedil ku si Sedet Detong det detong Si Sedet kari sapotong Jung jae Balakatanjung jae Mangsoyi godong malati, riri Riri nyandung ka putra dalem Tumenggung Bandung Bandung tipung polongpong Saunda saendo poho Poho tadi lalajo teu mawa simbut, butut!

EUNDEUK-EUNDEUKAN LAGONI

Eundeuk-eundeukan lagoni Meunang peucang sahiji Leupas deui ku Nini Beunang deui ku Aki Eundeuk-eundeukan cangkuang Bale Bandung Paseban Meunang peucang Pa Ujang Leupas deui ku Akang

JALEULEU

Jaleuleu ja Tulak tujaeman gog Seureuh leuweung bay Jambe kolot bug Ucing katinggang songsong Ngek!

MARGALUYU

Bang kalima-lima gobang bang Bangkong di tengah sawah wah Wahey tukang bajigur gur Guru sakola desa sa Saban poe ngajar jar Jarum paranti ngaput put Puteri nu gareulis lis Lisung kadua halu lu Luhur kapal udara ra Ragrag di Jakarta ta Taun opat hiji ji Haji rek ka mekah kah Kahar tujuh rebu bu Buah meunang ngala la Lauk meunang nyobek bek Beker meunang muter-ter Terus ka Cipaten pen Pena gagang kalam lam Lampu eujeung damar mar Mari kueh hoho ho Hotel pamandanga ngan Ngantos kanjeng dalem lem Lempa lempi lempong Ngadu pipi jeung nu ompong!

PUNTEN

Punten mangga Ari ga, gatot kaca Ari ca, cau ambon Ari bon, bonteng asak Ari sak, sakit perut Ari rut, rujak asem Ari sem, sempal-sempil Ari pil, pilem rame Ari me, meja makan Ari kan, kantong kosong Ari song, songsong lampu Ari pu, puak-paok Ari wok, wok candewok

OLE-OLE OGONG

Ole-ole ogong Melak cabe di Tarogong Dihakan ku embe ompong Diteang kari sapotong Au-au eheng Beuleum cau tutung geheng Embe-embe domba Anak sapi tutunggalan Ema-ema weya Si Sahi kabuhulan Hayang geura diinuman Embe-embe doma Anak sapi tutunggalan Ema-ema weya Si Sahi pupundakan Ku baturna ditumbukan…

TOKECANG

Tokecang-tokecang Balagendil tosblong Angeun kacang-angeun kacang Sapendil kosong

TRANG-TRANG KOLENTRANG

Trang-trang kolentrang Si Londok paeh nundutan Mesat gobang kabuyutan Tikusruk kana durukan

Sigana lagu-lagu di luhur jaman kiwari tinggal ngaranna…

11 Tanggapan to “Lagu Jaman Keur Budak”

  1. gambang semarang Says:

    Salamkenal dari blogger semarang, ayo di update lagi bang, tulisan terakhirku: 20+1 Yang Unik Dari Semarang

  2. awan sundiawan Says:

    Salam kenal kembali, terima kasih atas apresiasinya

  3. Reza Says:

    hoyong nu sanes, aya teu kang ??

  4. Riki Says:

    Nu Sanes na badi aya hiji :
    Cing ciripit tulang bajing ka capit, kacapit kubulu pare
    Bulu pare seseketna jol pa dalang mawa wayang jrek..jrek nong.

  5. nuri Says:

    meni wararas asa hoyong pacici cici putri deui atanapi slepdur aya keneh nu emut laguna ?

  6. Dadan Says:

    lagu prangpring pung saundak undak perang aya teu kang?

  7. Alifia Gutawa Says:

    nu diluhur eta kawih atawa kakawihan?

  8. ayayawae Says:

    perepet jengkol jajahea, kacepet kon….. jejeretean…..hahah

  9. asmul abadi Says:

    Waraas Kang maca eta lagu tehh..Nuhun pisan yeuh kabeberah sono ka lembur tehh..Diantos tulisan lagu2 kaulinan barudak sunda versi lengkap na..nuhun..

  10. awan sundiawan Says:

    @sadayana: hatur nuhun kana apresiasina, seratan di luhur eta lagu kaulinan budak sim kuring nuju alit, atuh bilih aya anu gaduh lagu kaulinan budak anu sanesna mangga serat wae di dieu, hatur nuhun.

  11. ryanhidayat Says:

    bener cuyy euweuh deui nu ngembangkeun…?


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: